Стареењето, за жал, влијае на вагината исто како и на остатокот од телото. Исто така, тоа може да се забави, но прашањето е како, оти на пазарот постојат секакви видови на креми за лице, но ниту една за тоа подрачје.
“Гинеколозите за тоа не разговараат со жените, па често ми се обраќаат комплетно вознемирени, оти вагината целосно им се променила за само неколку години“, вели д-р Керен Бојл, стручњак за сексуално здравје и вагинално подмладување.
Веќе во раните 20. полека се губат масните наслаги на надворешното подрачје, па тоа е и подложно на опуштање, исто како градите и лицето“, појаснува д-р Бојл и додава дека истото се случува и внатре во вагината – мускулите се опуштаат, се намалува протокот на крв и сето тоа се засилува како се приближуваме до менопауза.
Сето ова е доволна причина зошто вагиналното подмладување е се попопуларен зафат, па така во САД побарувачката за него во една година е зголемена за 64 проценти! Ако тоа е нешто што вам не ви одговара, тогаш пробајте ги овие предлози на д-р Бојл.
ИЗБЕГНЕТЕ ЈО-ЈО ЕФЕКТ
Ако постојано сте на диета, може да очекувате кожата да се опушти и таму каде најмалку сакате. “Колку повеќе промени има во таа област, таа се поцеќе се растегнува и така со сигурност се опушта“, напоменува д-р Бојл. Важно е да се одржува иста телесна тежина.
НЕ ИЗБЕГНУВАЈТЕ ДА ВЕЖБАТЕ
Здравите мускули на карличното дно се клучни за секоја жена и секој маж, бидејќи тие штитат од тешкотии што можат да се појават подоцна во животот, но ќе спречат опуштање на мускулите внатре во вагината.
Вежбата се состои во стискање на мускулите на карлицата и нивно задржување три секунди, по што следи опуштање и повторување на вежбата.
ТОПКА НАМЕСТО СТОЛ
За малку дополнително вежбање, заменете го столчето на работа со топка запилатес 15 минути на ден. Овој начин на седење ќе влијае на мускулите во вагината да се активираат, релаксираат и стегаат, без свесно да се мачите.
ХИГИЕНАТА ОДРЖУВАЈТЕ ЈА СО НЕУТРАЛНИ ПРОИЗВОДИ
Капењето и миењето со сапун на тој дел навистина не е потребно, доволно е лесно миење со неутрални средства. “Сигурно сте забележале жени кои имаат многу сува кожа на лицето поради употреба на агресивни препарати. Ова е токму она што може да се случи и со вагината”, заклучува Бојл.
