♦♦♦♦♦♦♦
Лекарите предупредуваат дека упорното икање може да биде можен нов симптом на коронавирус.
Во извештајот објавен во American Journal of Emergency Medicine се опишува случајот на маж кој бил тестиран позитивно на смртоносната болест, откако икал четири дена. 62-годишникот, од Чикаго, на почетокот не покажувал никакви други симптоми. Тој бил примен во болница и кога ја проверил температурата, била 37,3 Ц степени. Но, скенирањето на неговите бели дробови покажало индикации дека има проблем со неговиот белодробен капацитет.
Станува збор за прв извештај за случај на упорно икање презентиран кај COVID-19 пациент во медицинската литература за итни случаи, објавен во American Journal of Emergency Medicine
Мажот бил сместен во соба за изолација каде што бил тестиран за коронавирус. Неговата температура подоцна се зголемила на 38,4 Ц степени.
Во извештајот се вели: „Овде претставуваме случај на постојано икање како симптом на COVID-19 кај 62-годишен маж. Според наше сознание, ова е прв извештај за случај на упорно икање презентиран кај COVID-19 пациент во медицинската литература за итни случаи.“
Докторите од „Cook County Health“, Чикаго, рекоа дека пациентите со икавица треба да се земат предвид, пренесува британски „Sun“. Тие додадоа: „Лекарите треба да ја имаат на ум инфекцијата Covid-19 при диференцирање со оглед на тоа што се повеќе случаи се откриваат преку атипични презентации“.
NHS ги наведува официјалните симптоми на COVID-19 како висока температура, нова и континуирана кашлица и загуба или промена на чувството за мирис или вкус. Од NHS додаваат дека дека повеќето луѓе понекогаш добиваат икавица, но таа треба да трае само неколку минути. Обично е предизвикана од стрес, силни емоции како возбуда, јадење и пиење. (Дејли мирор)
