„Делта варијантата на коронавирусот изгледа дека е околу 40% позаразна од сојот кој за прв пат беше регистриран во Велика Британија“, изјави вчера британскиот министер за здравство Мет Хенкок.
Тој додаде дека поради тоа, сè уште е можно да се одложи понатамошното укинување на мерките во Англија, што беше планирано за 21 јуни. Одлуката за укинување на мерките треба да биде донесена подоцна оваа недела, пишува „Гардијан“.
Делта варијантата (индискиот сој) го отежнува контролирањето на вирусот
Научниците претходно проценија дека варијантата делта, првпат идентификувана во Индија и позната како индиски сој, може да биде помеѓу 30% и 100% позаразна од т.н. алфа варијанта (британски сој). Но, Ханкок, на прашањето за најновите информации за вирусот, рече дека станува збор за 40% поголема заразност.
„Ова значи дека поради варијантата делта сега е потешко да се контролира вирусот. Но, најважно е што по две дози на вакцина сме заштитени скоро исто како и од претходниот сој. Значи, добрата вест е дека вакцината е подеднакво ефикасна“, рече Ханкок.
