ПИШУВА:
Катерина Шекеровска-Димовска
katerina@pedijatar.mk
„Ковид пандемијата освен што ни го одложи минатогодишниот состанок, исто така и придонесе многу промени и во пристапот на луѓето кон собири, вклучувајќи ги и стручните. Повозрасните се двоумат да патуваат и да се групираат што вистински придонесе до потешкотии во организирање на вакви настани. Од друга страна, пак, сите сме желни за почести средби и дружења, тоа што вистински недостигаше во текот на овој Ковид период“, вели доц. д-р Илир Хасани, хирург – трауматолог и заменик министер за здравство, во пресрет на SPINE EXPERT GROUP MEETING 2021. По одложување на минатогодишниот состанок поради Ковид пандемијата, оваа година состанокот на спиналните хирурзи ќе се одржи на 10 и 11 декември во Скопје, што според доц. д-р Хасани, претставува потврда за високата позиција на нашата спинална хирургија во меѓународната заедница на спинални хирурзи.
Д-р Хасани, на 10 и 11 декември во Скопје ќе се одржи годишниот состанок на спинални хирурзи – SPINE EXPERT GROUP MEETING 2021. Како течат последните подготовки, може ли да ни откриете дел од програмата, главните предавачи и земјите од каде што доаѓаат?
Доц. д-р Хасани: Радосен сум дека оваа година, состанокот на спиналните хирурзи ќе се одржува во Скопје. Истиот требаше да се организира минатата година, но заради пандемијата беше одложен. Интензивно работиме на последните подготовки за престојниот состанок. Освен стручно-научниот дел, во моментот со сериозна екипа се подготвуваме за техничкиот дел на состанокот. Хибридниот концепт го применуваме за првпат и се надеваме дека беспрекорно ќе функционира, без технички проблеми и недостатоци. Хибриден концепт подразбира комбиниран пристап, каде што предавањата во една сесија се одржуваат со физичко присуство, а истата се пренесува преку web stream на сите онлајн присутни партиципанти. Исто така, предавачот може во текот на сесијата да се вклучи и онлајн, со можност за дискусија и поставување и давање одговор на поставените прашања.
Програмата на предавања и искуства од проблематиката е составена од сериозни имиња на посветени странски и домашни предавачи во областа. Има околу 40-тина предавања face-to-face и 10-тина предавања онлајн.
Хибридниот концепт го применуваме за првпат и се надеваме дека беспрекорно ќе функционира, без технички проблеми и недостатоци. Хибриден концепт подразбира комбиниран пристап, каде што предавањата во една сесија се одржуваат со физичко присуство, а истата се пренесува преку web stream на сите онлајн присутни партиципанти. Исто така, предавачот може во текот на сесијата да се вклучи и онлајн, со можност за дискусија и поставување и давање одговор на поставените прашања
Морам да напоменам дека предавањата се онлајн, а не виртуелни, со тоа што се очекува предавачите кои се онлајн да бидат вклучени и активни во текот на целата сесија и да учествуваат во дискусии, но и во модерирање на сесиите.
Наследивме 50-годишна традиција на операции на ‘рбетниот столб, односно првите сериозни интервенции се направени во 70-тите години на минатиот век, а ние „растевме на рамењата на џинот“, како што би рекол Њутн. Исто така, горди сме и дека понатаму на меѓународно ниво сме многу почитувани и валоризирани во спиналната хирургија
Ковид-19 пандемијата неминовно наметна едни поинакви услови на живеење и работа и тоа е всушност и причината поради која лани не се одржа редовниот годишен состанок на спинални хирурзи, како и причина зошто сега се одржува како хибриден настан. Претпоставувам дека оваа година знаењето и ентузијазмот се уште поголеми – на што ќе биде ставен акцентот на SPINE EXPERT GROUP MEETING 2021?
Доц. д-р Хасани: Ковид пандемијата освен што ни го одложи минатогодишниот состанок, исто така и придонесе многу промени и во пристапот на луѓето кон собири, вклучувајќи ги и стручните. Повозрасните се двоумат да патуваат и да се групираат што вистински придонесе до потешкотии во организирање на вакви настани. Од друга страна, пак, сите сме желни за почести средби и дружења, тоа што вистински недостигаше во текот на овој Ковид период. Како домаќини на овој настан, ние се трудиме да се претставиме со сите актуелни и нови методи коишто ги применуваме во Република Северна Македонија, особено во Спиналниот центар на Клиниката за трауматологија при ЈЗУ УК ТОАРИЛУЦ, а се работи за сериозен број на нови методи и техники на оперативни интервенции со кои сме на ниво на светските стандарди во третманот на спинални повреди.
Што всушност значи организирањето на еден ваков настан за спиналните хирурзи и нивните пациенти?
Доц. д-р Хасани: Идејата на Spine Expert Group Meeting е произлезена пред повеќе од 10 години, од нас, група на спинални хирурзи од Југоисточна Европа, за приказ и размена на искуства. Во 2011 година бевме гости на овој настан во Скопје, а ова е втор пат да ги организираме спиналните хирурзи од регионот и пошироко во нашата држава. Самиот факт дека нам ни е доверено организирање на ваков настан, покажува на високата позиција на нашата спинална хирургија во меѓународната заедница на спинални хирурзи. За тоа ние треба да бидеме горди бидејќи наследивме 50-годишна традиција на операции на ‘рбетниот столб, односно првите сериозни интервенции се направени во 70-тите години на минатиот век, а ние „растевме на рамењата на џинот“, како што би рекол Њутн. Исто така, горди сме и дека понатаму на меѓународно ниво сме многу почитувани и валоризирани во спиналната хирургија.
Спиналната хирургија преставува дел од хируршките гранки, која се однесува на изведување на оперативни интервенции на рбетниот столб. Каде е Македонија кога станува збор за воведување нови оперативни методи во оваа област?
Доц. д-р Хасани: Во Република Северна Македонија во последните неколку години воведени се сериозни нови оперативни методи во третманот на болестите на ‘рбетот, главно во Спиналниот центар при Клиниката за трауматологија. Перкутано поставување на педикуларни шрафови, TLIF (Transforaminal lumbar interbody fusion), ALIF (Anterior Lumbar Interbody Fusion), сакректомиите (парцијални и тотални) и Ен-блок спондилектомиите при малигни тумори на ‘рбетниот столб, сколиозите, комбинираната спинопелвична стабилизација при разни патологии на спинопелвичнииот спој, перкутана дилатациона минидисцектомија, примена на ендоскопијата во спиналната хирургија со ендоскопска трансфораминална лумбарна дисцектомија, се дел од палетата на нови методи и техники на оперативни интервенции, кои што ги изведуваме во нашата држава, сé со цел за подобар третман на спиналната патологија кај нашите пациенти. Минимално инвазивниот пристап е многу бенефитарен за пациентите, затоа истиот го таргетиравме за поголем комодитет на пациентите по изведување на оперативната интервенција, краток престој во болница, помалку болка, помали оперативни засеци и побрзо враќање на секојдневните нормални активности. Тоа во многу придонесува во одржувањето и зголемувањето на економската и севкупна продуктивност во општеството во целина.
Примената на новите методи, исто така, доведува до третирање на некои состојби во нашата држава за кои порано пациентите патуваа илјадници километри во странство и за кои се дадени високи суми на финансиски средства. Освен комодитетот којшто пациентите го имаат во своето место на живеење и функционирање и финансискиот аспект е многу важен.
