„Опфатот на вакцинација со МРП во целата држава изнесува 98%, исполнета е препораката на Светската здравствена организација“, информираат од Министерството за здравство, од каде што објаснуваат дека стапката на вакцинација со МРП вакцина во Скопје изнесува 99%, а во останатиот дел од државата 97%.
Од почетокот на епидемијата се регистрирани 1.893 случаи со мали сипаници на територија на целата држава, што претставува најголема бројка во изминатите 20 години
Досега се вакцинирани 35 870 лица со МРП вакцина до 14-годишна возраст. Од нив, во Скопје се вакцинирани 16 732, додека пак, во останатиот дел од државата се вакцинирани 19 138 лица на возраст до 14 години, кои подлежат на вакцинација.
„Родителите ги послушаа препораките на Министерството за здравство и ја препознаа важноста за навремено вакцинирање на децата со МРП вакцина. Мерките вродија со плод. Од опфат од 89 отсто пред епидемијата со морбили, сега опфатот е над 99 отсто, а препораката на Светската здравствена организација е 95 отсто“, велат од МЗ.
Од почетокот на епидемијата се регистрирани 1 893 случаи со мали сипаници на територија на целата држава, што претставува најголема бројка во изминатите 20 години.
Крајот на епидемијата од морбили ќе биде прогласен кога двапати по 12 дена нема да има пријавено ниту еден заболен пациент со мали сипаници.
