Мајчинството не е препрека за успешна кариера, но не ретко слушаме за случаи кога жените стравуваат дали ќе ги чека работното место ако одат на породилно, или на разговор за работа ќе прочитате дискриминарочко прашање: „А, планирате ли да имате деца?„ Бидејќи, мајките што имаат мали деца пречесто ќе одат на боледување, премалку се фокусирани на работата итн..
Кој има дете, знае дека секојдневнието не е едноставно. Меѓутоа, бројните напори и барања, на кои мајката секој ден е изложена, се покажале добри на друго место. Иако, на жените со деца, деловниот живот не им е лесен и понекогаш е многу тешко да се држат сите работи под контрола, неодамнешно истражување покажало некои многу интересни резултати. Иако, постари истражувања покажале дека за време на бременост женскиот мозок се собира до 7%, сепак жените со дете имаат засилена способност за помнење и размислување.
Мозокот на мајката развива стратегии како ќе се бори со стресот, како да се подготви за различни ситуации и како за краток рок да разбере се што се случуа околу неа. Заради гласното, стресно и емотивното секојдневие со децата, мајките развиваат подобра психичка отпорност, побрзо и поефикасно донесуваат одлуки, размислуваат стратешки, и првенствено се ориентирани кон решението. Жените со дете, откриено е во истражувањето, подобро се справвуваат со стресот.
Деловите на мозокот кои се одговорни за аргументација, проценка и емпатија, се поразвиени кај жените кои имаат деца, односно кога ќе станат одговорни за своето дете. Исто така, дополнително се јакне и креативноста.
