Веројатно поминувате многу време размислувајќи за тоа како исхраната на вашето дете влијае на неговото тело. Можеби внимателно го следите неговиот внес на калциум за да бидете сигурни дека неговите коски се развиваат како што треба, размислувате за неговиот внес на витамин Ц за да бидете сигурни дека детето има доволно силен имунолошки систем, а можеби следите и како различните оброци влијаат на неговото ниво на енергија во текот на денот. Всушност, храната и пијалаците што ги консумираат децата не влијаат само на нивните тела – тие се исто така клучни за нивното когнитивно здравје.
Новите истражувања откриваат дека зашеќерените пијалаци за деца од основно училиште може да им наштетат на нивната мозочна функција. Во студија чии резултати се објавени во списанието „Nutrients“, научниците анкетирале околу 6.400 деца на возраст меѓу шест и 12 години, прашувајќи ги колку често консумираат пијалаци богати со шеќер и колку сокови пијат. Тие ги споредиле овие одговори со перформансите на децата на тестовите, а поголемата консумација на зашеќерени пијалаци била поврзана со значително полоши резултати.
Ова служи како одличен потсетник за родителите дека газираните пијалаци, енергетските пијалаци и зашеќерените сокови не треба да бидат примарни пијалаци кои се нудат дома. Всушност, тие воопшто не треба да бидат достапни за деца под 12 години, објаснува диететичарката Мишел Баб
Споменатите тестови ги мереле когнитивните вештини како што се работната меморија и способностите за организирање, но вклучиле и мерки за тоа колку добро децата можат да ги контролираат своите емоции и однесување.
„Ова служи како одличен потсетник за родителите дека газираните пијалаци, енергетските пијалаци и зашеќерените сокови не треба да бидат примарни пијалаци кои се нудат дома. Всушност, тие воопшто не треба да бидат достапни за деца под 12 години”, објаснува диететичарката Мишел Баб.
