Менопаузата кај секоја жена подразбира два различни циклуси: перименопауза и постменопауза. Перименопаузата представува период на транзиција, односно циклус пред менопаузата кога организмот доживува промени и почнува да се подготвува за менопаузата. Постменопаузата почнува кога жената мена менструален циклус подолго од 12 месеци.
Истражувањата покажуваат дека жена може да забремени во менипауза, се додека не влезе во постменопауза.
Со годините, бројот на јаце клетки кај жените почнува да се намалува. Кај повозрасните жени постои ризик јајце клетките да имаат абнормални хромозоми, па со самото тоа шансата за бременост е помала во однос на жените во помлади години.
Сепак, покрај топло-ладните бранови и немањето циклус, во перименопаузата може да дојде до овулација. Доколку за време на овулацијата оддржливата јајце клетка се оплоди, доаѓа до зачнување.
Многу жени поради одредени животни фактори во помлада возраст не можеле да забременат, па сметаат дека во периодот на перименопаузата е совршен да се реализираат во улогата на мајка. Жените во перименопаузата се позрели и дел сфаќаат дека конечно се подготвени да станат мајки.
Но, зачнувањето е поретко и поотежнато во овој период, доколку жената е здрава и редовно ја следи овулацијата, постојат шанси за забременување.
Многу стручњаци предупредуваат дека бременоста во средни години е ризична, но со постојана консултација, желба и волја, можно е се да помине во ред.
Менопаузата најчесто почнува во периодот помеѓу 40 и 55 година и најчести проблеми при зачнувањето во овој период прави хормоналниот дисбаланс.
Затоа е важно да се обрне внимание на исхраната, телесната тежина и други фактори кои дополнително може да го пореметат балансот на хормони во менопаузата. Во постменопауза, што се случува кога циклусот е отсутен повеќе од една година, природното зачнување е невозможно.
