Научниците откриваат која е најдобра возраст за мајчинство: Раѓањето по 35. година има свои предности

Постои ли вистинско време за мајчинство? Истражувањата покажуваат дека бременоста по 35-та година од животот има свои предности

♦♦♦♦♦♦♦

Просечната возраст на жените кои стануваат мајки за прв пат се повеќе се зголемува. Жените во триесеттите и четириесеттите години се чувствуваат посигурно и поголема е веројатноста дека се имаат остварено на полето на приватниот и деловниот живот.

Одлуката за тоа кога ќе станете мајка никогаш не е едноставна. Секоја бременост е поинаква и, во зависност од вашата возраст, има повеќе или помалку предности. Најважно е да се грижите за себе и за вашето бебе под стручен надзор на лекар за време на бременоста за се да помине во најдобар ред

Бременоста по 35-та година од животот некогаш се сметаше за многу ризична. За среќа, науката потврди и многу придобивки од подоцнежната бременост.

Универзитет во Јужна Калифорнија спроведе истражување во кое биле вклучени 830 жени кои влегле во менопауза. Истражувачите тестирале планирање, визуелна перцепција, говорна меморија, концентрација и способност за задржување на вниманието.

Жените кои родиле првпат по 24-тата година од животот имале подобри резултати на тестовите за ментална острина, решавање на проблеми и тестови за говорни вештини во споредба со жените кои родиле на возраст од 15 до 24 години. Жените кои првпат родиле по 35-тата година од животот имале подобри когнитивни вештини и вербална меморија.

Ова е поврзано со зголемување на естрогенот и прогестеронот во бременоста кои имаат значајно влијание на функцијата и составот на мозокот, особено кога првата бременост се случува во подоцнежна возраст.

Одлуката за тоа кога ќе станете мајка никогаш не е едноставна. Секоја бременост е поинаква и, во зависност од вашата возраст, има повеќе или помалку предности. Најважно е да се грижите за себе и за вашето бебе под стручен надзор на лекар за време на бременоста за се да помине во најдобар ред.

• Дали се согласувате со истражувањето на Универзитетот во Јужна Калифорнија? Какво е Вашето искуство и дали постои вистинско време за мајчинство? Би сакале да го слушнеме Вашето размислување – Ве охрабруваме да го споделите на нашиот ФБ профил во коментар под текстот