Изгорениците се повреди на кожата кои настанале под дејство на топлина. Многу се непријатни и болни, а може да бидат и опасни по живот. Децата е изложени на голем ризик од изгореници, бидејќи не се свесни за опасностите.
Освен отворен пламен, изгореници може да предизвикаат и жешки предмети како пегла, греалка, врела рингла, но и хемиски реагенси и сонце. Изгореници може да се појават и при контакт со жешки течности како супа, кафе, жешка вода и водена пареа. Жешката вода може за помалку од една секунда да ги оштети и подлабоките слоеви на кожата.
Поголемиот број изгореници кај децата – околу 75% настануваат од жешка вода од тенџере, ѓезве за кафе или од чешма. Никогаш не го држете детето во раце додека готвите или додека пиете кафе.
Кибрити и запалки држете надвор од дофат на децата. Поголемите деца може да се повредат и при играње со пиротехнички средства како петарди и огномет.
Што да направите кога детето ќе се изгори?
- Од изгорената површина отстранете ја облеката. Внимавајте со ткаенинината да не го повлечете и површинскиот слој на кожата, и така да направите подлабока рана.
- На изгореницата ставете ладна (не ледена) вода, или ставете чиста ладна облога и држете ја околу 20 минути. Изгореницата не ја ладете со мраз, оти така може да дојде до трајноп оштетување на ткивото. Ако површината на изгореницата е голема, ладењето не треба долго да трае, за да не се разлади целиот организам на детето.
- Никогаш на изгореница не ставајте масло, маргарин, сол, паста за заби и слично. На тој начин доведувате до зголемен ризик од инфекција.
- Кога ќе тргнете на лекар, изгореницата покријте ја со стерилна газа или чисто памучно платно.
