Во својот говор на Универзитетот Стенфорд, извршниот директор на Alphabet Inc. и неговата подружница Гугл, Сундар Пичаи, кажа една работа која ја докажаа и долгогодишните истражувања на човечката мотивација, а која би можела да биде и најдобриот совет за родителите. Тој нагласи дека е важно „да се наградува трудот, а не резултатите“. Она за што тој всушност зборувал се нарекува внатрешна мотивација, пренесува порталот „Краст“.
Во превод, тоа значи мотивирање на луѓето, во овој случај децата, да направат нешто затоа што уживаат во предизвикот, во самиот процес на работа или едноставно им е интересно. Побудување интерес за одредена тема наспроти работа за да се добие награда за тоа или да се избегне казна.
Кога до некоја цел ве водат наградите што чекаат по постигнатиот резултат, тоа е екстерна или надворешна мотивација. Ова значи дека мотивот кој стои зад одреден напор е или да се добие некоја награда (бонус, нов телефон или играчка) или да се избегне казна
Со други зборови, Пичаи ги советува родителите да не ги прикажуваат резултатите како најважна работа, туку самиот процес во кој детето извршува некоја задача или активност. Иако од прва ова на некого можеби му звучи чудно, всушност има смисла и им помага на децата да бидат мотивирани. Имено, тие не се под притисок дека треба нужно да успеат, а со самото тоа нивните резултати ќе бидат многу подобри.
Кога до некоја цел ве водат наградите што чекаат по постигнатиот резултат, тоа е екстерна или надворешна мотивација. Ова значи дека мотивот кој стои зад одреден напор е или да се добие некоја награда (бонус, нов телефон или играчка) или да се избегне казна. А она што го покажале истражувањата е дека ориентацијата кон резултатите е всушност многу штетна за продуктивноста, тврди директорот на Гугл.
