Италијанскиот свештеник Џузепе Берардели (72), кој ја расплака нацијата со својот благороден гест, почина од последици на коронавирусот
♦♦♦♦♦♦♦
Кога отецот се разболел неговите парохијани од местото Касниго му купиле респиратор, но тој го одбил и го остапил на помлад пациент, кој исто така бил заболен од коронавирус, а кого воопшто не го познавал.
Отецот починал во болницата „Ловер“ во Бергамо, еден од италијанските градови, кои се најтешко погодени од епидемијата.
На неговото испраќање кон вечното почивалиште, мештаните излегле низ прозорците и со громогласен аплауз го поздравиле својот пастир.
Не се дадени детали за пациентот кој го добил респираторот на барање на Берардели, пишува „Њујорк пост“.
