Јагодите спаѓаат во овошје кое е многу популарно, благодарение на неповторливиот вкус, кој освежува и блажи во исто време, но и поради изразената црвена боја која е составена од пигменти кои се преполни со антиоксиданти и антиканцерогени материи. Високиот процент на активни супстанци ја прави исклучително посакуван дел од исхраната.
Јагодите по процентот на витамин Ц во себе може да му конкурираат на лимонот, бидејќи 100гр јагоди содржат дури 60мг витамин Ц. Истовремено содржат и фолна киселина, витамини од Б групата, витамин Е и провитамин на витаминот А. Богати се и со манган, железо, калциум и магнезиум. Поволно делуваат и на имунитетот, бидејќи содржат и биоактивни сусптанци – полифеноли кои се силен антиоксидант.
Јагодите во исхраната се користат свежи и преработени: џем, мармалад, слатко, сок, компот… Освен на овој начин може да се конзервираат со смрзнување на целиот плод или со сушење.
Јагодите е најдобро да се консумираат свежи, како овошна ужина, зааедно со останатото овошје. Добра е и комбинацијата со јогурт, со чие мешање се добива хранлив и освежувачки напиток.
Воведувањето во детската исхрана мора да биде внимателно и не пред првата година од животот на детето, бидејќи може да предизвикаат алергија.
