Странска компанија позната по своите производи за бебиња, најави лансирање на сладолед со вкус на мајчино млеко во чест на претставувањето на својата нова рачна пумпа за измолзување. Овој сладолед не содржи вистинско мајчино млеко, туку е дизајниран да го имитира неговиот сладок, кремаст вкус.
Компанијата тврди дека сладоледот е богат со хранливи материи како омега-3 масни киселини, јаглехидрати, витамини како железо, калциум, витамини Б и Д, цинк, протеини од сурутка и казеин и вода за хидратација. Овие состојки се корисни и за бебињата и за новите мајки, а всушност и за повеќето луѓе.
Иако некои изразија сомнеж дека се работи за првоаприлска шега, компанијата потврди дека производот е вистински. Компанијата ги повикува заинтересираните да се пријават на нивната веб-страница за да добијат детали за лансирањето. Коментарите на социјалните мрежи беа поделени; Додека некои со нетрпение чекаат да го пробаат овој необичен десерт, други изразуваат скептицизам за идејата.
Компанијата Фрида е позната по своите иновативни производи за мајки и бебиња, а со овој потег сакаат да ја задоволат љубопитноста на оние кои некогаш се запрашале каков вкус има мајчиното млеко, давајќи им можност да го искусат на безбеден и прифатлив начин.
