Мала количина на кафеав секрет во бременоста е честа појава и нема причина да се грижите. Сепак, некогаш ова може да се случи поради поголем проблем, како инфекција или вонматерична бременост.
Во раната бременост, малата количина на светол исцедок е многу честа и нормална, нема причина да се загрижувате околу тоа. Сепак, потемен секрет кој има непријатен мирис, некогаш може да укажува на проблем. Во секој случај, ова треба да му го кажете на вашиот лекар за да провери дали е се во ред.
- Кога кафеавиот секрет е нормален?
Мала количина на кафеав секрет е нормална појава, особено во најраниот стадиум од бременоста. Нормално е ваков секрет да се јави и по сексуален однос.
- Зошто најчесто доаѓа до кафеав секрет?
Промената во пХ вредностите на вагината може да доведе до кафеав секрет. Во најголем процент, состојбата сама се решава. Кај бремените жени, може да се појави и по физичка активност.
Доколку ваквиот секрет има и непријатен мирис, а притоа чувствувате пецкање или чешање, тоа може да укажува на:
- Инфекции (сексуално преносливи, а бремените жени се особено подложни на нив)
- Спонтан абортус
- Вонматерична бременост (веројатно ќе забележите и крв, но и болки во стомакот)
- Инфекција на цервиксот
Ако забележите силно крварење, особено во подоцна бременост, постои опасност за предвремено породување или проблеми со постелката.
Во секој случај, кога ќе забележите потемен секрет или крв, особено ако има и непријатн мирис и чувствувате болки и грчеви во стомакот, важно е веднаш да реагирате и да се консултирате со лекар за да се утврди реалната состојба и да се спроведе лекување доколку е потребно.
