Емпатијата и добрината кон другите луѓе се многу важни особини, а децата првично ги учат од своите родители. Кога ќе видиме дете како се лути на другарче поради играчка или нешто што му направило, многу често се запрашуваме како да го научиме да простува.
Не е лесно да се научите детето на овие лекции. Некои истражувања покажале дека за простувањето треба да постојат, покрај развојот, уште неколку работи. На пример, детето полесно ќе прости ако другарчето му се извини.
Дали детето треба да прости секому?
Родителите обично не сакаат детето секому да му прости, туку понекогаш да биде на своја страна и да се бори за себе. Сепак, некои стручњаците истакнуваат дека тие ставови не се добри и дека простувањето всушност е добро за самото дете, бидејќи така ќе се ослободи од негативните и лоши чувства.
Важно е да го научите детето дека простувањето не значи дали некој е во право или не е, туку дека тоа служи да ја сфатиме туѓата постапка и да го поправиме односот.
Исто така, треба да го научиме детето да ги согледува работите од туѓа перспектива и да има повеќе разбирање за другите. Ислушајте го детето кога ќе ви го раскаже проблемот, а потоа полека наведете го да размисли зошто другарчето го направило тоа, нека се обиде да се стави во негова позиција. Можеби не се чувствувало добро, можеби му бил лош ден. Иако тоа не треба да ни биде оправдување за да повредиме луѓе што ги сакаме, сепак можеме да се обидеме да сфатиме, особено ако потоа следи искрено извинување.
Овие особини се важни, не само поради поправање на односот со другите, туку и за детето добро да се чувствува и во себе да не носи лоши емоции.
