Можеби се уште не се гледате себе како мајка, можеби не сте стекнале материјални услови за дете, или едноставно се уште не сте го пронашле вистинскиот партнер, но ако сакате дете во иднина, на некои работи треба да мислите на време. Секако дека знаете оти со годините се намалува плодноста. Жените врвот на плодноста го поминуваат во 20., а над 35 години ризикот за неплодност се зголемува за 22%, и секоја наредна година овој процент се зголемува. Но, тоа е индивидуално кај секоја жена. Некои ќе имаат проблеми со плодноста и во дваесетите, додека други без проблем ќе забременат и во четириесетите.
Секако годините и биолошкиот часовник, кој е најважен фактор на плодноста, не може да го сопрете, но може секогаш да се внесат некои промени во животот, кои ќе ви помогнат да ја сочувате плодноста што подолго, за да може да забремените кога ќе бидете подготвени.
Ако мислите дека ќе сакате да имате дете во наредните пет години, важно е уште веднаш да го посетите вашиот гинеколог, за да ги отстраните сите потенцијални проблеми со плодноста. Тоа вклучува контрола на полицистични јајчници, ендометриоза и отстранување на некои други здравствени проблеми кои ја отежнуваат бременоста. Доколку ви препорача докторот, може да направите и одредени тестови за плодност, на пример, броење на атријални фоликули во одреден момент за време на циклусот. На тој начин приближно ќе дознаете колку сте блиску до крајот на плодноста.
Физичката активност е втор фактор. Со вежбањето, за да ја сочувате плодноста, не треба ниту да се претерува, ниту да се игнорира.
Трет фактор кој не е често споменуван, но е особено важен е оралната хигиена. Неколку различни студии покажале дека здравјето на усната шуплина е поврзано со репродуктивноста. Крварење од непцата, воспаленија, кариес, и сите останати проблеми со забите и воопшто устата, се поврзани со плодноста. Секој ден задолжително користете паста, четка, забен конец и специјална водичка за плакнење на усната шуплина. Ако сакате да ја сочувате плодноста, овие четири работи се можеби најважни за тоа.
- Практикувајте сигурен секс, бидејќи тоа ќе спречи појава на полови болести, бактериски и габични воспаленија, кои се голем непријател на женското репродуктивно здравје.
- Вагиналниот исцедок не треба да има никаков мирис, па ако забележите нешто веднаш отидете на лекар, бидејќи може да станува збор за некакво воспаление, а воспаленијата може да доведат до неплодност.
- Откажете се од цигари, а кафе пијте умерено. Цигарите влијаат на плодноста на разни начини, како и на забрзаното стареење на јајце клетките. Дури и пасивното пушење ја намалува плодноста.
- Редовно земајте мултивитамини, особно Б комплекс. Фолната киселина ја подобрува плодноста, стимулира овулација и на ембрионот му ги дава нужните протеини за да преживее. Железото е исто така многу важно
- Хранете се здраво, нека доминираат овошјето и зеленчукот, а телесната тежина одржувајте ја во нормала, заедно со индексот на телесната маса (од 20 до 24).
- Испијте чаша млеко. Иако за некои медицински состојби поврзани со неплодноста, помага откажувањето од млечни производи, една чаша полномасно млеко може да помогне да забремените.
- Намалете го стресот и опуштете се. Пронајдете начин за воспоставување на рамнотежа во животот и намалете го стресот, тоа ќе ја сочува хормоналната рамнотежа, како и здравјето на јајце клетките.
- Следете го менструалниот циклус, бидејќи многу зборува за репродуктивното здравје. Ако имате уредна менструација, голема е веројатноста дека репродуктивните органи ви се здрави. Ако овулирате 13, 14 и 15 ден, тоа покажува дека имате квалитетни јајцеклетки, а ако овулацијата ви е 8, 9 и 10 ден, тоа може да биде знак дека квалитетот на јајцеклетките е лош.
- Ако циклусите ви се скратувааат, тоа значи дека квалитеот на јајцеклетките се намалува.
- Болни и обилни менструции може да укажуваат на некои болести кои негативно влијаат на плодноста, па ако имате обилни крварења и болни циклуси, посетете доктор.
- Акните се сигнал за проблем со полицистични јајчници, па доколку никако не можете да се ослободите од нив, и ако имате нередовен циклус, причина за тоа може да бидат полицистични јајчници.
