Ова се митови што ќе ви помогнат да разберете зошто е важно да ја регулирате температурата во автомобилот.
Не е опасно ако го оставам детето во автомобил 10 минути
Можам да го оставам детето на 10 минути, нема да му биде ништо. Но, не сте во право. Детето оставено 10 минути кога температурата надвор е 25 степени може да добие висока температура во автомобилот и претопленост.
Не може да ми се случи мене бидејќи сум внимателен родител
Секој родител се грижи најдобро што може и го сака своето дете. Истражувањата покажале дека ваквите несреќни случаи, поврзани со заборавање на детето во автомобилот најчесто се резултат на умор, ненаспаност, расеаност, брзање на работа при што родителите несвесно излегуваат од автомобилот оставајќи го бебето.
Ако мене не ми е топло тогаш и на детето му е пријатно
Не ја одредувајте температурата во автомобилот според вашите потреби. Имајте предвид дека температурата на телото на детето расте за 3 до 5 пати побрзо од вашата. Исто така, децата ја немаат способноста за брза терморегулација.
Ако надвор температурата е 15 степени, автомобилот не може да се претопли
Регулирањето на температурата во автомобилот е потребна и кога надворешната температура не е многу висока. Надворешната температура од 15 степени не е иста со температурата во автомобилот. Во автомобилот во вакви услови температурата може да достигне и до 37 степени.
