Истражувањата покажуваат дека татковците играат многу важна улога во животот на децата. Кога татковците се вклучени, тоа има значајно влијание на когнитивниот и социјален развој на детето, а со тоа носи и добро чувство, мир и самодоверба. Научните студии покажале и тоа дека дете кое има вклучена фигура на татко во животот, ќе има емотивна сигурност и поголемо ниво на самодоверба.
Ова се неколку знаци преку кои ќе препознаете дали на вашето дете му треба повеќе време со таткото.
- Секојдневно ве прашува каде е тато
Додека не наполнат една година, децата не можат во целост да разберат дека се одвоени од вас и лицето кое се грижи за нив. Како расте, нивната врска со останатите лица, конкретно со таткото почнува да се менува, Тоа има врска со исчезнувањето на објектот од видното поле и со стравот од одвојување, па полека ќе бара да знае каде е тато кога не е во близина, и да бара тато да го направи она што и вие можете, како врзување врвки и хранење. На овој начин детето ја развива својата самостојност. Тоа знае кога вие одите на работа или само ја напуштате просторијата, но за тато не може со сигурност на знае.
- Детето е мрзоволно и чести има испади
Доколку татко не е тука или минува помалку време со детето од вообичаено, можно е кај детето да се јават нервозни моменти. Тоа е од причина што децата сакаат рутина, и ако нешто го наруши нивниот баланс, тоа ги вознемирува и реагираат со исфрустрираност и тоа најчесто врз мајките.
- Детето е наметливо
Детето на одредена возраст ќе стане многу свесно за татковската фугура и ќе сака да минува време со него. Тоа е така бидејќи ќе почне да сфаќа дека постојат и други личности освен вас во неговиот живот. Во секој случај, ако детето стане наметливо и напорно, време е за создавање врска со таткото.
