Прифатете ги и почитувајте ги нивните чувства и стравови. Не ги отфрлајте како безначајни или смешни. Покажете му на детето дека разбирате зошто се исплашило
Како да ги утешите и смирите децата ако чувствуваат страв после ситуации како денешната кога сите не вознемири земјотрес, кој силно се почувствува во главниот град?
За жал, земјотресите, пожарите, поплавите и другите катастрофи порано или подоцна можат да станат дел и од нашите животи. Најмладите честопати се и најранливи бидејќи не знаат како да го изразат својот стрес и страв како возрасните.
Како да разговарате со децата, како да им пристапите?
-
Создадете безбедна средина во која тие ќе можат да поставуваат прашања за сè што ги интересира. Без забранети теми и глупави прашања. Не форсирајте го разговорот ако детето едноставно не е подготвено.
-
Не измислувајте и не раскажувајте им „бајки“ на децата затоа што на крајот ќе сфатат дека не им ја зборувате вистината.
-
Користете јазик и фрази кои се јасни и кратки и прилагодете ги објаснувањата на возраста и зрелоста на детето.
-
Бидете подготвени да ги повторувате истите работи и информации повеќе пати пред детето да ги разбере и прифати.
-
Прифатете ги и почитувајте ги нивните чувства и стравови. Не ги отфрлајте како безначајни или смешни. Покажете му на детето дека разбирате зошто се исплашило.
Помогнете му на вашето дете да ги изрази своите стравови и чувства. Ако не може тоа да ви го каже со зборови, дајте му да нацрта или обликува
-
Имајте на ум дека децата ја персонализираат секоја ситуација. Тие може да бидат особено загрижени за себе, за своите предмети, играчки, блиски членови на семејството… Исто така може да изразат страв и за роднини кои живеат подалеку или пријатели кои се на патување. Немојте да мислите дека претеруваат, тие едноставно се плашат за сè од нивната околина што им е битно.
-
Не давајте им нереални ветувања. На пример, повеќе нема да има земјотреси. Затоа што тоа не е нешто што вие можете да го знаете. Наместо тоа, уверете го вашето дете дека е на безбедно и дека вие се грижите за него.
-
Помогнете му на вашето дете да ги изрази своите стравови и чувства. Ако не може тоа да ви го каже со зборови, дајте му да нацрта или обликува.
-
Детето го набљудува вашето однесување и учи многу од него. Затоа, не паничете без причина, бидете собрани, брзи и одлучни во она што го правите.
-
Обидете се да ги заштитите децата од гледање премногу вести на ТВ и застрашувачки слики што можат да се видат по некоја катастрофа.
-
Внимавајте дали вашето дете ќе покаже задоцнети симптоми на стрес како што се главоболка, болки во стомакот, напади на паника, вознемиреност… многу деца ги изразуваат своите стравови на овој начин.
-
Погрижете се во нивната паника и стрес да се чувствуваат како деца затоа што тоа и се. Овозможете им што повеќе игри, обидете се некои работи да ги направите забавни и интересни и да го извлечете најдоброто за нив од секоја ситуација. Тие не се оние кои треба да се грижат за било што во моментот.
