Најчести причини се: чепкање нос (ја иритира слузницата, крвните садови може лесно да се изгребат), повреди од механички тип, сув и претопол воздух во простор во кој се прстојува, инфекции на горните дишни патишта, проблеми со згрутчена крв и недостаток на витамин К, бактериски инфекции (во внатрешноста на носот, на делот каде завршува кожата, и ноздрите се чувствителни на бактерии, тој дел лесно може да се повреди, а бактериите дополнително ќе го надразнат). Слабо крварење може да предизвика и силно дување на носот.
Што да направите?
Не му ја ставајте главата на детето наназад! Таа положба дополнително го засилува крварењето, а детето би можело и да повраќа, доколу проголта крв. Смирете го детето, бидејќи многу деца не сакаат да ја гледаат сопствената крв. Однесете го до мијалникот и пуштете ја чешмата, наместете го така да водата веднаш ја мие крвта. Навалете му ја главата нанапред, над срцето и речете му да дише низ устата. Со палецот и кажипрстот нежно притиснете го мекиот дел кој се наоѓа непосредно под коренот на носот. На овој начин привремено ќе го сопрете крварењето од носот, бидејќи тука се наоѓаат важни крвни садови, кои на притисок реагираат со намалена циркулација, односно протокот на крвта. Постапката повторете ја од 5 до 10 пати и крварењето би требало да престане. Не му дозволувајте на детето да го чепка носот или да го дува најмалку еден час, иако згрутчената крв ќе му пречи.
Доколку крварењето е посилно, на коренот од носот ставете ладна облога (или парченца мраз во крпа). Некои лекари советуваат ставање на ладни облоги на задниот дел од вратот, од иста причина како и на коренот на носот. Ако случајно постои и надворешна повреда, тогаш не се препорачува ставање на мраз директно на повредениот дел. Низ вратот поминуваат крвни садови кон главаата, односно носот, а со ставањето на ладни облоги или мраз само се успорува крвотокот.
Кога да одите на лекар?
Лекарска помош треба да се побара ако никако не можете да го сопрете крварењето, ако носот е повреден или скршен и ако крварењето се повторува, односно ако се јавува неколку пати во текот на неделата.
Може на детето да му помогнете и превентивно – навлажнувајте му ги ноздрите со морска вода во спреј или со физиолошки раствор, навлажнувајте го воздухот во просторот каде што детето престојува.
