Доколку имате дете кое сака игрици или од други причини не се одвојува од екраните, важно е да внимавате. Постои можност тоа да влијае на целокупниот развој и психологија на детето, доколку играта му стане главна тема во животот.
Многу популарни игри за деца, особено за оние на возраст помеѓу 7 и 16 години лесно предизвикуваат зависност.
Постојат експерти, но и истражувачки студии кои сугерираат дека игрите може да го оштетат мозокот. Неколку студии покажале дека учениците кои играат насилни вирутелни игри имаат поголеми шанси за развој на некои состојби на срцето и агресивни мисли во однос на оние деца кои не играат игри.
ПРАВИЛО 3-6-9-12
Австралискиот кралски колеџ за педијатрија предлага децата да не се запознаваат со уреди до нивната трета година. Дури и по тој период треба да постои ограничување од најмногу еден час дневно. Во поново време го предложија правилото 3-6-9-12 кое поставува образец на здрава употреба на уредите.
- Нема користење уреди до 3. година
- Нема користење интернет до 6. година
- Нема видео игри до 9. година
- Нема друштвени мрежи до 12. година
