Великодушните и чесни луѓе растат и воспитуваат и такви деца, личната корист не им е поважна од општата благосостојба. Затоа е важно децата да се воспитуваат со овие доблести заради нивната лична среќа и општеството во кое растат. Еве како можете да го направите тоа:
Грижата за другите мора да биде приоритет. Децата треба да ја разберат рамнотежата помеѓу нивните лични потреби и потребите на другите, особено кога се дел од тим, семејство или заедница.
Обидете се да му ја пренесете на детето идејата дека „важно е да се биде добар човек“. Охрабрете го да ги почитува другите и да се однесува убаво со нив, дури и кога е нервозно, уморно или луто.
Дајте му можност на вашето дете да биде дарежливо и благодарно. Истражувањата покажуваат дека луѓето кои се благодарни се повеќе подготвени да помогнат, да бидат дарежливи, да покажуваат сочувство и да простуваат.
Сите овие однесувања значат повисоко ниво на среќа. За да го зголемите нивото на благодарност кај вашето дете, обидете се да не го наградувате за мали нешта и однесувања, разговарајте со него за добри дела, помагање на секој што ќе се најде во неволја, за волонтирање и научете го да ја изразува својата благодарност.
