Се смета дека нормалната телесна тежина е идеална за бременост, бидејќи преголемата може негативно да влијае на плодноста, особено кај жените со полицистични јајчници, но и неухранетоста може да има негативни влијанија.
Индексот на телесна маса помеѓу 18,50 и 24,9 е најпогоден за бременост. Индексот на телесната маса се пресметува така што тежината во килограми ќе ја поделите со квадрат од висината во метри.
Со секој бод над нормалното, шанса за бременсот се намалува за околу 4% почнувајќи од 29. Жените кои имаат прекумерна тежина и индексот на телесната маса им е меѓу 35 и 40, имаат за 43% помали шанси да забременат, дури и кога имаат редовни циклуси. Од друга страна нискиот индекс на телесна маса, особено ако е комбиниран со стрес и нездрави животни навики, може да ја нарушат хормоналната рамнотежа, па често предизвикуваат нередовни месечни циклуси.
Ако се обидувате да забремените, одржувајте го индексот на телесната маса во нормални граници. Секако, никакви строги диети не се препорачуваат, бидејќи може да го намалат нивото на нутриенти во телото и така да влијаат на плодноста. Потребно е да се води здрав живот. Таквиот стил на живот ги зголемува шансите за бременост, така што ќе ги доведе во соодност килограмите и висината. Ако во текот на денот се движите 30 минути и да го намалите внесот на калории за 200 на ден, ќе изгубите 15 килограми за една година (нешто повеќе од еден килограм месечно).
