Многу родители се жалат дека нивните деца не сакаат да јадат зеленчук, а една мајка на три деца открила трик со кој нејзините малечки го јадат целиот зеленчук од чиниите!
“Пред некој ден сфатив дека моите деца сакаат да јадат зеленчук и дека отсекогаш било така. Помислив – како успеав во тоа?”, започнува оваа мама во видеото кое го објави на Инстаграм.
Целата работа, тврди таа, е во вистинската температура на подготвениот зеленчук. Како што објаснува, на децата им послужува чинија полна со зеленчук, но целосно ладна.
„Ако е брокула, ја мијам под ладна вода, ја ладам, сечкам пиперки, краставици, домати и моркови“.
Покрај чинија полна со зеленчук, оваа мајка на децата им послужува и топло јадење за кое им вели дека е жешко, за гладните малечки да посегнуваат кон ладниот зеленчук додека „жешката“ храна се лади.
Таа тврди дека овој трик е многу ефикасен и затоа нејзините три деца секогаш прво јадат зеленчук.
