Невидлива или криптична бременост не е реткост. Се проценува дека една од 2.500 бременост е невидлива се до породувањето, додека една од 4.500 жени не знае дека е бремена се до 20. недела.
Многу жени ја минуваат бременоста не знаејќи дека воопшто се трудни. Тие имаат менструален циклус, не се здебелиле, а иако ваделе крв, тестовите не покажувале зголемено ниво на хормонот на бременоста ХЦГ. Исто така, и тестовите за бременост им се негативни. Некои жени пал знаат дека се бремени, го чувствуваат тоа, но лекарите ја негираат бременоста, оти нема докази дека се трудни.
Најчести причини за невидлива бременост
Се верува дека бременоста може да помине незабележано почесто кај жени:
- Со полицистични јајници
- Кои се пред менопауза
- Кои неодамна биле бремени и нивните хормони се уште не се избалансирани
- Се уште дојат и немаат хормонален баланс
- Имаат низок процент на телесни масти, што може да предизвика хормонален дисбаланс
- Користат контрацепциски импланти кои продолжуваат да отпуштаат хормони во телото.
Хормоналната нерамнотежа се смета за одговорна што телото воопшто не регистрира дека е во поинаква состојба – бременост, па мајките продолжуваат да овулираат и да добиваат циклус. Токму поради тоа редовно крварат, хормонот ХЦГ не успева да се размножи и затоа недоволно се излачува во урината и во крвта, за тестовите да регистрираат бременост.
