Откако неколку часови се обидувате да смирите расплаканото и плачливо бебе, веројатно се прашуваат дали постојат некои магични трикови за кои досега не сте слушнале. Методата позната како “ 5 чекори“ веќе е добро тестирана кај многу родители, а пионер на оваа метода е педијатарот Харви Карп. Формулата е едноставна: повивање, странична или стомачна положба, ‘шшшш’, лулање и цицање.
ЗА ШТО СЛУЖАТ ОВИЕ 5 ЧЕКОРИ?
Веќе сте играле со вашето бебе, сте го нахраниле, подригнало, сте му ја провериле пелената и сте се увериле дека ништо не го боли и сега се прашувате – па зошто е се уште нервозно и немирно? Освен што бебињата често се мачат со доенечки колики, тие имаат проблеми со смирувањето и спиењето.
Дури 5 до 19 отсто од бебињата страдаат од доенечки грчеви или колики, а причината е созревањето на дигестивниот систем. Ако новороденчето плаче 3 или повеќе часа на ден, 3 или повеќе дена во неделата, во првите 3 месеци од животот и тоа влегува во групата на овие бебиња. Грчевите обично започнува околу 6.недела од животот и исчезнува до 3.или 4.месец, но се тешки и за бебето и за вас.
На бебињата не им е лесно да заспијат, особено ако се премногу уморни и премногу стимулирани од надворешни дразби. Со симулирање на окружувањето од матката, можете да го воведете вашето бебе во долг и мирен сон.
Иако на бебето е поудобно да спие на стомак, истражувањата покажуваат дека оваа поза со себе носи висок ризик од синдром на ненадејна смрт на доенчиња (или смрт во лулка). Значи, дефинитивно не сакате да го заспиете вашето бебе на стомак, но можете да и помогнете да заспие во слична положба.
Иако на бебето му е поудобно да спие на стомак, истражувањата покажуваат дека оваа положба со себе носи висок ризик од синдром на ненадејна смрт кај дете (СИДС). Значи, дефинитивно не сакате да го ставите бебето да спие на стомак, но можете да му помогнете да заспуе во слична положба.
ПРВ ЧЕКОР: ПОВИВАЊЕ
Повивањето значи замотување на бебето во меко и тенко ќебенце за да добие чувство на заштитеност како во матката, но и за да го смирите Моро рефлексот, причина поради која бебето често се буди од сон.
- Ставете го бебето на меко ќебе, превиткано во форма на дијамант.
- Преклопете ја едната страна од ткаенината и ставете ја под рацете на бебето.
- Подигнете го горниот дел и турнете го внатре.
- Преклопете ја другата страна и турнете го нејзиниот крај во делот обвиткан околу грбот на бебето.
- Бакнете го и прегрнете го.
ВТОР ЧЕКОР: ПОЛОЖБА НА СТРАНА ИЛИ СТОМАК
Истражувањата покажале дека бебињата кои спијат на стомак спијат подолго и не реагираат толку брзо на бучава. Сепак, постои еден проблем: спиењето бебе на стомак или на страна е опасно бидејќи го зголемува ризикот од синдром на ненадејна смрт на доенчиња. Ако кај вашето бебе не “пали“ повивањето, обидете се со овој чекор. Според Карп, држењето на бебето во стомачна положба го активира смирувачки механизам кој го смирува нејзиниот чувствителен нервен систем (и вашиот).
Затоа, ставете го бебето на стомак или на страна; поставете го преку рамо; или преку подлактицата, со рака потпирајќи ја неговата глава. Но запомнете! Кога бебето ќе се смири, ставете го да спие на грб.
ТРЕТ ЧЕКОР: “ШШШШ“
Вие знаете што значи звукот „Шшшш“, но дали вашето бебе го знае тоа? Сигурно! Додека било во матката девет месеци, бебето го смирувале слични звуци. Тоа слушало како функционира вашиот крвоток, како дишете, отчукувањата на срцето, звуците од надворешниот свет, па дури и вашата дигестија.
Кога ќе испуштите силен звук „Шшшш“, ќе произведете звук најсличен на оние на кои бебето е навикнато во матката.
ЧЕТВРТ ЧЕКОР: ЛУЛАЊЕ
Дали сте се обиделе расплакано бебе да го ставите во количка и да го возите натаму-наваму. И успеало. Ова движење е идеално за смирување на бебето. Можете и да го држите во раце и да го лулате.
ПЕТТИ ЧЕКОР: ЦИЦАЊЕ
Цицањето е еден од рефлексите со кои се раѓа бебето. Откако почнало да ја практикува оваа функција, уште во вашата матка, веќе во 14-тата недела, кога ќе се роди, бебето веќе е професионалец за цицање.
Дозволете му на бебето да се смири на вашите гради, но можете да користите и цуцла. Ако се плашите дека вашето бебето ќе стане “зависно“ од цуцла, можеби ќе ве разувери фактот дека навиките на бебињата почнуваат да се формираат дури на возраст од шест месеци.
