Меѓу останатите важни работи, во текот на првата година, бебето се повеќе ги учи и функциите на движење, и бројот на нејзините секојдневни активности се повеќе се зголемува. Со созревање на нервниот систем и вежбање, бебето стекнува се поголем надзор над своите движења и прво учи самостојно да ја држи и движи главата, потоа и да седи, да лази, да стои, да оди, па дури и да потскокнува и да трча во периодот околу првиот роденден.
Откривање на рацете
Во текот на втората половина од првата година, детето се повеќе увидува дека неговите рачиња всушност се орудие со помош на кое доаѓа во допир со интересен свет кој го опкружува и се подобро го разбира. Главните движења со раце во тој период се: фаќање, испуштање, манипулирање и експериментирање со предмети. Во првите шест месеци бебето поеднакво ги користи двете раце, но почувајќи од шестиот па се до 9-10 месец (кај некои деца и до 15. месец) почнува почесто да ја употребува едната рака во однос на другата. Доследното користење само на едната рака, се зацврстува дури околу третата, па и околу четвртата година од животот, кога детето дефинитивно ќе се определи само за една страна.
Едната рака е доминантна
Доминантноста во рацете се согледува во претежното користење на едната рака при извршување на различни активности. Доминантна е онаа рака која се преферира при употребата, односно далеку почесто се користи во однос на другата рака, и која побрзо и поспретно ги извршува различните активности. Оваа појава е забележана и кај нозете, па дури и кај очите или ушите. Статистичките студии покажуваат дека кај 93 проценти од човештвото, десната рака е доминантна. Останатите седум проценти спаѓаат во групата на левораки, и оние кои подеднакво добро се служат и со двете раце, т.н. амбидекстри кои на пример еднакво добро пишуваат и со лева и со десна рака.
