Немаат сите можност да растат со мајка која им пружа вистинска љубов и поддршка, но оние кои ја имаат таа среќа, го носат нејзиното влијание низ целиот живот. Добрата мајка не се грижи само за основните потреби на детето – таа го обликува неговиот поглед кон светот, односите со другите и начинот на кој се соочува со предизвиците, вели истражувачот по психологија Лаклан Браун. Тој истакнува дека одредени особини може да откријат кога некој пораснал со добра мајка. Еве кои особини и знаци посебно ги издвојува.
Добрата мајка не ги штити своите деца од сите животни потешкотии, туку ги учи како да се справат со нив. Наместо да создаде зависност, таа ги подготвува да бидат одговорни, отпорни и способни за самостојно донесување одлуки
Здраво изразување на емоциите
„Луѓето кои растеле со грижлива мајка обично знаат како здраво да ги изразат своите емоции. Тие не ги потиснуваат чувствата, ниту реагираат импулсивно, туку научиле да комуницираат на продуктивен начин. Ова доаѓа од воспитувањето во кое нивните емоции биле уважени, а не игнорирани, што им помага подобро да се снајдат во односите, работата и секојдневниот живот“, објаснува Браун за „Hack Spirit“.
Покажување љубезност без очекување нешто за возврат
Доброто воспитување го вклучува учењето дека добрината се дава без скриени намери, тврди Браун. „Луѓето кои пораснале со мајка што ги учела на сочувство, им помагаат на другите не затоа што очекуваат награда, туку затоа што веруваат дека љубезноста е начинот на кој треба да се однесуваме кон луѓето. Оваа вредност станува дел од нивните секојдневни интеракции со другите“, појаснува тој.
Луѓето кои растеле со грижлива мајка обично знаат како здраво да ги изразат своите емоции. Тие не ги потиснуваат чувствата, ниту реагираат импулсивно, туку научиле да комуницираат на продуктивен начин. Ова доаѓа од воспитувањето во кое нивните емоции биле уважени, а не игнорирани, што им помага подобро да се снајдат во односите, работата и секојдневниот живот
Поставување здрави граници
Грижливата мајка не ја покажува љубовта само преку нежност, туку и преку учење за поставување граници. „Луѓето кои биле воспитани на овој начин разбираат дека љубезноста не значи секогаш да се каже ‘да’. Тие знаат како да го заштитат своето време, енергија и вредности без да се чувствуваат виновни за тоа. Научиле дека поставувањето граници не е себичност, туку клучен облик на самопочитување“, заклучува Браун.
Развој на самодоверба и независност
Добрата мајка ја гради самодовербата на детето преку поддршка и охрабрување. Наместо да ги решава сите проблеми наместо него, таа му помага да развие верба во сопствените способности. Ваквиот пристап му овозможува на детето да стане сигурно во себе и подготвено за предизвиците што го очекуваат во животот.
Емпатија и емоционална интелигенција
Освен што ги учи своите деца како да ги поставуваат своите граници, грижливата мајка ги учи и како да покажат разбирање за другите. Воспитувањето во средина каде што емпатијата се цени помага детето да научи како да се стави во позиција на другите луѓе и да гради квалитетни односи.
Добрата мајка не ги штити своите деца од сите животни потешкотии, туку ги учи како да се справат со нив. Наместо да создаде зависност, таа ги подготвува да бидат одговорни, отпорни и способни за самостојно донесување одлуки.
