Се додека не наполни 12 месеци, имунитетот на бебето се уште не е доволно развиен, па морате да бидете внимателни при чистењето и стерилизацијата на бебешкиот прибор. Посебно внимание обрнете на шишето на бебето, оти тоа може да содржи нечистотии и бактерии кои можат да бидат штетни по здравјето на бебето.
Шишето секогаш мијте го со жешка вода
Пред давање на млеко или вода на бебето, погрижете се шишето да биде добро измиено со жешка вода. Високата температура ќе ги уништи бактериите, кои би можеле да му наштетат на вашето бебе. И цуцлата од шишето измијте ја со жешка вода.
Не го чувајте млекото во шишето
Доколку по оброкот, останало недопиено млеко во шишето, нема потреба да го чувате во него. Во спротивно, млекото може да развие одредени бактерии, како и непријатен мирис во шишето. По секој оброк, истурете го млекото, а шишето убаво измијте го.
Одржувајте го шишето суво
Доколку шишето е влажно, лесно може да дојде до таложење на бактерии и габички. Секој пат кога ќе го измиете шишето со топла или со ладна вода, најстојувајте да го исушите си чиста кујнска крпа. На овој начин ќе ги елиминирате сите бактерии, како и непријатни мириси од шишето.
Не го загревајте шишето во миркобранова печка
Доколку сакате да го загреете шишенцето, загрејте го под топла вода. Со загревање во микробранова, ќе разложите многу нутриенти кои се наоѓаат во млекото, а пластиката на шишето ќе отпушти разни штетни хемикалии.
