Бебињата се многу чувствителни и кревки до третиот месец. Поради неразвиеноста на моториката и мускулите, многу е важно правилното држење на бебето, а особено подигнувањето како не би дошло до неправилен развој или повреда. Друго што е многу важно е дека бебињата се раѓаат со страв од паѓање, што значи дека наглото и неправилно кревање и спуштање може дополнително да го вознемири и шокира.
По раѓањето, бебињата не можат самостојно да ја држат главата, па затоа треба да обезбедите соодветна поддршка за вратот и главата. Ова ќе го правите приближно 3-4 месеци, иако е индивидуално и зависи од тоа како напредува бебето. Некои бебиња многу рано стекнуваат независност во овој аспект, додека на други им треба повеќе време и стимулација.
Подигањето бебе до три месеци е вистинска „уметност“, а доколку не се направи правилно може да има последици
Физијатарот д-р Џен Русо практично и едноставно објаснува кој е единствениот правилен начин да се крене бебе.
Ставете ја едната рака под вратот и главата, а другата под задникот и нежно подигнете ја преку рамото. Никако не го фаќајте бебето под пазувите од две причини:
- прво, главата може одеднаш да падне назад и да се повреди,
- второ, ги оптоварувате рамењата и ребрата поради притисокот на вашите раце.
