Колку се вообичаени повеќеплодните бремености?
Помеѓу 1980. и 2009. година, стапката на наталитет на близнаци е зголемена за околу 76 проценти и оттогаш помалку или повеќе е останата иста. Стапката на тројки и четворки е зголемена за четири пати до 1998. година, но оттогаш е падната за повеќе од една третина.
Од друга страна, веројатноста за идентични близнаци, стабилно се држи на околу три до пет од 1000 породувања. Таа стапка не е променета веќе се децении ширум светот.
Што предизвикува зголемување на повеќеплодните бремености?
Делумно поради тоа што повеќе жени подолго чекаат на мајчинство. Хормоналните промени во повозрасниот период доведуваат до поголема веројатност телото да отпушти повеќе јајце клетки одеднаш – и повеќе од една оплодена јајце клетка, често значи повеќе од едно дете.
Но, порастот на повеќеплодни бремености во најголем процент се должи на се поголемата употреба на лекови за плодност и медицински потпомогнато оплодување, што им помага на паровите во зачнување.
Ако минувам низ медицински потпомогнато оплодување, колкава е веројатноста за повеќеплодна бременост?
Зависи од видот на лекување на неплодноста. Лековите ги стимулираат јајчниците и ја зголемуваат веројатноста да истовремено се отпуштат неколку јајце клетки.
Ако минувате низ медицински потпомогнато оплодување (ИВФ), шансите за повеќеплодна бременост зависат од возраста, од тоа колку ембриони се сместени во матката, но и од други фактори. Според статистичките податоци, процентот на повеќеплодни бремености поради ИВФ е следен:
- 29,1 отсто за жени помлади од 35 години
- 26,5 отсто за жени на возраст од 35 до 37 години
- 20,9 отсто за жени на возраст од 38 до 40 години
- 13,6 отсто за жени на возраст од 41 до 42 години
- 8,8 отсто за жени на возраст од над 43 години
На пример, инсеминацијата (вид на медицински потпомогнато оплодување) – процедура во која процесот на оплодување се случува природно во телото на жената, а подразбира да ејакулат на партнерот се внесе во телото на жената, е единствениот вид на медицински потпомогнато оплодување што не ја зголемува веројатноста за повеќеплодна бременост. Сепак, повеќето жени кои поминуваат низ инсеминација, исто така земаат лекови кои ја зголемуваат таа веројатност.
Кои други фактори влијаат на веројатноста за повеќеплодна бременост?
- Возраст
- Наследност
- Историја на повеќеплодна бременост
- Број на бремености
- Формата на телото
