Канадскиот психолог Џордан Петерсон се вбројува меѓу 35-те најголеми светски експерти во оваа област. Тој смета дека три работи се особено важни во одгледувањето и воспитувањето на децата: фактот дека на детето најпотребни му се родителите и дека нивната улога е најважна до 4. година од животот, заедничките оброци и подучувањето на децата на одговорност.
Ако им дозволите на децата да бидат корисни и ги охрабрувате да прават различни работи, тие нема да имаат проблеми со егзистенцијата и ќе сфатат дека се корисни членови на заедницата
Тој особено го нагласува правилото кое го смета за пресудно за воспитување одговорни деца, и за кое зборува во видеоинтервју објавено на Јутјуб.
„Постои правило за работа со постари лица во домовите за стари лица кое гласи: „Не правете ништо за постарите што тие можат да го направат самите“. Звучи грубо, но не е. Така им помагате да ја задржат својата независност и сила.
Исто е и со малите деца. Малите деца треба да прават сè што можат, а што е продуктивно и корисно. Ако имате двегодишно дете кое оди, можете да го натерате да ја постави масата. Некогаш тоа го правеа децата. И навистина е смешно да се гледа додека го прави тоа бидејќи масата е половина метар над нивните глави.
Дајте му на двегодишно дете нож, но не остар и кажете му: „Стави го ова на масата“. Нема да може да го стави веднаш до чинијата затоа што не може ни да ја види чинијата, но ќе биде среќно бидејќи тоа му помага да се развие и да оди напред. Всушност, ако сте внимателни со децата и ги прилагодувате вашите очекувања на нивниот развој, тоа се нарекува зона на проксимален развој. Децата навистина имаат моќен инстинкт за тоа и ако внимателно го гледате вашето дете, можете да забележите кога е подготвено за следната задача.
Ако им дозволите на децата да бидат корисни и ги охрабрувате да прават различни работи, тие нема да имаат проблеми со егзистенцијата и ќе сфатат дека се корисни членови на заедницата, дури и ако во тој момент станува збор само за вашето семејство“.
