Правилната нега на кожата на новороденчето е исклучително важна. Кожата е најголем орган на нашето тело. Има три важни функции: заштитна (покрива и штити од патогени материи, чувствителна (реагира на допир, топлина, студено и болка), како и регулаторна (штити од прекумерно губење на течности).
Новороденчето се раѓа со незрела кожа. Таа по породувањето е покриена со бела сиреста обвивка – vernix caseosa, која служи за заштита во текот на утериниот развој. Потребно е да се дозволи таа обвивка да се впие во кожата на детето и на тој начин да се дозволи природен тек на почетокот на созревањето на тој орган.
Во текот на првите недели постепено се воспоставуваат функциите на кожата и родителите сведочат на првите промени на неа.
Родителите се соочуваат во бројни прашања, медиумски притисок и различни совети на добронамерни “експерти“ од околината. Важно е да се пристапи на детето како единствена единка и полека да се воочи какви се неговите потреби за нега и хигиена. Примарно негата на детето се дели на период пред и по санирање на папочната раничка.
На почетокот “суво капење“ без сапун и шампон
Новороденчето нема развиени механизми за регулација на телесната темпертура, па затоа и не се поти. Во текот на првите денови од животот, значи додека папочната раничка не е зарасната, се препорачува “суво капење“ на подлога. Тоа значи сад со топла вода и памучна крпа.
За време на негата, посебно внимание потребно е да се обрне на наборите на кожата под вратот, пазувите и препоните. Не постои забрана, оние повешти родители да го освежат детето во кадичка со малку вода, но при тоа мора да се внимава да не се водени папочната раничка, поради можниот ризик од инфекција.
Незрелата кожа на новороденчето не е потребно да се третира со сапуни и шампони. Пожелно е да се прави масажа по капењето, за што се доволни неколку капки природно масло втриено во рацете. Единствена регија која се мачка и штити со крема е пеленската регија.
Во следното продолжение: Препораки за капење на три типа на бебешката кожа
