Во текот на последните неколку недели од бременоста, бебето се позиционира со главата свртена кон грлото на матката, во т.н. вертекс положба. Сепак, 4% од бебињата се поставуваат карлично, што значи дека нозете и задникот им се свретни кон грлото на матката.
Оваа положба може да го искомплицира самото породување, оти постои опасност бебето да се замота во папочната врвца. Освен тоа, нозете, телото и рацете можат порано да тргнат низ грлото на матката, а главата да остане заглавена во родилниот канал. Ова може да има големи последици по здравјето на бебето, а некогаш и да доведе до смрт.
Лекарите оваа положба најчесто ја идентификуваат со допир или со ултразвук.
Дијагнозата обично се поставува во 36. недела од бременоста, кога бебето се поставува во својата финална положба. Шансите бебето да се постави карлично се поголеми доколку претходно сте родиле близнаци, иако ако имате премногу или премалку амнионска течност, или поради абнормалност на матката.
Се покажало дека постојат многу начини да го поттикнете бебето да се сврти во вистинска положба.
ЦЕФАЛИЧНА ВЕРЗИЈА
Лекарот по 37. недела може да ви препорача цефалична верзија, односно негов обид со раце, преку стомакот, да го сврти бебето во вистинската положба. Некогаш се даваат и медикаменти за опуштање на матката. Бебето се подига со едната рака, а со другата се поттикнува главата на бебето да се сврти. Доколку нема контраиндикации за вагинално породување, на секоја трдуница може да и се препорача овој начин.
Повеќе под 50% од случаевите се успешни. Ризиците за сериозни компликации се многу мали. Ова не се препорачува за жени кои имаат било какви компликации, како вагинално крварење, плацента која го прекрива отворот на матката, абнормално мало бебе, намалено ниво на амнионска течност, руптура на мембраната, близначка или бременост со повеќе деца. Не се прави пред 37.недела, оти тиа може да стимулира породување.
ДВИЖЕЊЕ
Прошетките и истегнување може да помогнат да се опуштат лигаментите и сврзното ткиво кои ја поддржуваат матката и карлицата. Ова ќе направи поголем простор, па бебето ќе може само да се сврти. Се додека имате дозвола од својот лекар, чучњевите може да бидат од помош.
ВЕБСТЕРОВА ТЕХНИКА
Ова е нежна метода на киропрактика која поттикнува балансирање на мускулите, па бебето може дамо да се сврти во подобра положба.
Што ако бебето остане карлично свртено?
Во тој случај, породувањето се врши со царски рез. Секако лекарот е тука да ве посоветува, и со него исклучиво разговарајте за овој проблем.
