Докажано е дека лежењето на грб го продолжува породувањето и ги забавува контракциите, но сепак повеќето жени раѓаат бебиња лежејќи на грб. Зошто? Главен виновник за ова е францускиот крал Луј XIV.
Професорката Лорен Дандс за списанието American Journal of Public Health објаснува дека до пред 200 години, исправената положба била најчеста при породување. Меѓутоа, кралот Луј XIV сакал да гледа како неговите сопруги се породуваат.
„Тој уживал да гледа како жените се породуваат. Него го фрустрирал скриениот поглед на породувањето кога се случувал на столица за таа намена. Поради тоа, тој инсистирал на тоа жените да лежат на грб, како и на тоа машките бабици да присуствуваат на породувањето“, напишала Дандс.
Луј XIV. имал 22 деца, а неговото однесување и постапки се одразиле кај населението. Оттогаш, оваа позиција е доминантна и покрај нејзините недостатоци. И денес сè уште се користи во западните култури.
