Во групен разговор со неколку родители и наставници, војвотката од Кембриџ, Кејт Мидлтон откри што и е најтешко и како се справува со многубројните нови улоги кои и ги наметна пандемијата.
Таа исто така го пофали и принцот Вилијам, бидејќи тој е нејзината најголема поддршка. На прашањето со еден збор да ја опише грижата за своите деца за време на пандемијата со коронавирус, Кејт покажа парче хартија на кое напиша: „Исцрпувачки“.
Принцот Вилијам (38) и Кејт (39) се преселија во нивниот дом во Норфолк од каде што нивните деца посетуваат онлајн настава
Кејт признава дека школувањето и сите други обврски околу децата за време на карантинот не и паднале лесно, заедно со сите останати обврски што ги презела на себе во изминатата година.
„Како родители, имаме секојдневни родителски улоги, но претпоставувам дека за време на карантинот моравме да преземеме дополнителни улоги во кои дотогаш ни помагаа други луѓе од нашата заедница“, додаде Кејт.
Кејт откри дека на ужас на нејзините деца, станала и фризерка за време на карантинот
Родителите ја допреа и темата за осаменоста со која се справуваат. Истражувањето кое го иницираше Кејт покажа дека осаменоста драматично се зголемила за време на пандемијата, од 38 на 63 проценти, бидејќи многу родители биле отсечени од дотогашната мрежа на поддршка која ја сочинувале нивните пријатели и семејство.
Кејт откри и како, на ужас на нејзините деца, станала и фризерка за време на карантинот.
На прашањето како би ги оценила своите математички вештини на скала од 1 до 10, Кејт одговорила: -5, пренесува „The Sun“.
