Војвотката од Кембриџ, Кејт Мидлтон напиша писмо до Детската болница во Лондон, изразувајќи ја нејзината благодарност до вработените во NHS, кои неуморно работат во борбата против коронавирусот.
Детската болница Евелина од Лондон на својот Твитер профил сподели писмо напишано од Кејт Мидлтон (38), додавајќи: „Прекрасно беше да ја примиме оваа возбудлива порака од нашиот патрон, војвотката од Кембриџ, за сите наши вредни вработени и волонтери.“
Ви пишувам за да ви кажам колку многу мислам на целиот тим во детската болница Евелина во Лондон за време на овој тежок период
Во писмото, кое е со датум од 14 април и е со печат од Кенсингтонската палата, мајката на три деца ги пофали напорите на оние што работат во првите борбени линии во битката против смртоносната болест.
„Охрабрува податокот дека сè уште сте отворени за работа и продолжувате да пружате стручна грижа за болните деца и покрај тешките околности“, напиша таа.
Војвотката, која е патрон на Детската болница Евелина во Лондон, им се заблагодари на вработените за итни случаи, кои поради брзината со која коронавирусот се шири низ целата земја, исто така се грижат и за возрасни пациенти.
„Ви пишувам за да ви кажам колку многу мислам на целиот тим во детската болница Евелина во Лондон за време на овој тежок период. Сите вие сте навистина инспиративни и знам дека ќе бидете таму за сите овие семејства, исто како што сте биле отсекогаш“, напиша војвотката.
„Сега се соочувате со дополнителен притисок да се грижите за возрасни пациенти со КОВИД-19, но тоа е сведоштво за вашата поддршка и посветеност на вашите пациенти за да се осигурате дека ќе ја имаат најдобрата можна грижа. Без разлика дали работите на првата борбена линија или позади сцената, ќе мора да ги надминете овие притисоци и да го усогласите својот професионален и личен живот. Ве молам, внимавајте на себе и чувајте се едни со други и знајте дека целата земја е позади вас“, напиша меѓу другото Кејт Мидлтон во писмото упатено до вработените во детската болница Евелина во Лондон на кои им посака добро здравје.
