Дете кое има наполнето шест години, просечно во текот на денот треба да јаде 30 грама јаткасти плодови. Практично тоа би значело 30 ‘фстаци, 20 бадеми или лешници, 10 ореви или 30 кикирики. Оваа порција содржи 36% од дневните потреби за витамин Е, 13% од дневните потреби за влакна и 4 гр протеини. Оваа количина изобилува и со Б комплекс, калциум, цинк, натриум и магнезиум.
Нутриционистите велат дека нема разлика каков вид на јаткаст плод консумира детето, и дека не е точно дека оние деца кои повеќе јадат ореви добиваат повеќе нутриенти од оние кои консумираат кикирики или бадеми. Според нив, важна е внесената количина, а не изборот. Секое дете, согласно своите желби, може да внесува било каков јаткаст плод.
Ова е список за што се се корисни јаткастите плодови по здравјето на децата:
- ОРЕВИ
Тие се преполни со антиоксиданти кои го чистат организмот од штетните влијанија на слободните радикали и така спречуваат разни болести. Влијаат на одржување на нормален липиден статус и богати се се со омега-3 масни киселини.
- КИКИРИКИ
Се сметаат за најпопуларни јаткасти плодови иако тие единствено официјално не припаѓаат во оваа група, но поради сличниот облик, како и нутритивна вредност, се сметаат на најважен нивен претставник.
- БАДЕМИ
Тие се одлични за сите оние деца кои од некоја причина не консумираат млеко и млечни производи, оти се одличен извор на калциум. Преполни се со витамин Б и магнезиум, и на тој начин се јакне имунитетот и се штити срцето.
- БРАЗИЛСКИ ОРЕВ
Детето не треба да внесува повеќе од еден бразилски орев дневно. Тој е е најдобар извор на селен, кој ја подобрува функцијата на штитната жлезда, но учествува и во борбата против различни инфекции.
- ИНДИСКИ ОРЕВИ
Богати се со железо, па имаат особена важност кај девојчињата кои влегуваат во пубертет и кои често се борат со анемија.
- ‘ФСТАЦИ
Изобилуваат со витамин Б6, кој помага во одржување на хормонален баланс, но и зачувување на добар и квалитетн вид.
