Зголемувањето на телесната тежина во бременоста е нормално, исто како што е нормално во првите три месеци да ја намалите, пред се поради утринските мачнини, кои влијаат на апетитот.
Според гинеколозите, овој раст на индексот на телесна тежина е прифатлив и не ја загрозува бременоста:
- Низок (помал од 19,8) – 12,5 до 18 килограми
- Среден (19,8 до 26) – 11,5 до 16 килограми
- Висок (поголем од 26) – 7 до 11,5 килограми
Добивањето на тежина е очекувано по четвртиот месец од бременоста и тоа не повеќе од 300 грама неделно, а во последните недели 500 грама.
Доколку некоја жена премалку се дебелее, постои опасност бебето да гладува. Жените со вишок килограми често стравуваат дека нивната прекумерна тежина го зголемува ризикот од појава на висок крвен притисок или гестациски дијабетес. Но, бременоста не е време за диета, па затоа побарајте матичниот гинеколог да ви препорача одреден хранлив режим на исхрана.
