Кинеските научници неодамна го објавија создавањето на првото дете во светот со вештачка интелигенција. Претставена на саемот „Граници на општа вештачка интелигенција“ во Пекинг кон крајот на јануари, Тонг Тонг, или мало девојче, е виртуелен ВИ ентитет со способности слични на оние на дете од три до четири години, објави South China Morning Post. .
Тонг Тонг може сама да учи, сама себе да си задава задачи, да ги толкува човечките намери и да прикажува емоции како што се радост, лутина и тага.
„Тонг Тонг поседува ум и се труди да ја разбере разумот на луѓето. Го разликува доброто од злото, искажува свои ставови во различни ситуации и има моќ да ја обликува иднината“, се вели во видеото во кое е претставува на јавноста.
Тонг Тонг е развиена од Пекиншкиот институт за ошта вештачка интелигенција (BIGAI) предводен од познатиот информатичар, применет математичар и научник за когнитивна вештачка интелигенција Жу Сонгчун. Посетителите на изложбата, наводно, ја гледале како ја прилагодува рамката за слика, го чисти истуреното млеко и извршува други задачи.
„Тестот Тонг има за цел да обезбеди дека вештачката интелигенција може беспрекорно да се интегрира во човечкото опкружување. Овој иновативен пристап означува нов правец во тестирањето на вештачката интелигенција, нагласувајќи ги практичните способности и вредности за развој на вештачка интелигенција од корист на општеството“, објаснија научниците. .
