Преминот на цврста храна е голем чекор во развојот на бебето, а често може да биде многу збунувачки за родителите бидејќи постојат голем број правила кои треба да се почитуваат при воведувањето на намирници, количината и распоредот на оброците во текот на денот. Педијатрите советуваат да не се започне со воведување на немлечна исхрана пред шестиот месец. Целта е храната да се воведува постепено и помалку.
Распоредот за воведување на бројот на оброци зависи од ритамот на вашето бебе и прифаќањето на цврста храна, но ова се некои општи насоки.
Првата недела – еден оброк на ден
Кога се воведуваат „први вкусови“, обично најдобро е да се воведат во текот на денот кога бебето е одморено по дневното спиење и околу половина час до еден час по хранењето со млеко кога е веројатно дека ќе има апетит за цврста храна. Без разлика дали е ова доцно утро, пладне или рано попладне, најдобро е вие да одлучите според потребите и ритамот на вашето бебе. Сепак, не се препорачува нивниот прв цврст оброк да се воведе предоцна во денот кога е поголема веројатноста да бидат преуморни или кога не можете внимателно да ги следите реакциите на новата храна.
Кога ќе најдете време кое ви одговара вам и на вашето бебе, одржувајте го доследно, бидејќи тоа е најбрзиот начин да научи кога да очекува цврста храна. Ако бебето на почетокот не е заинтересирано за кашички, не го форсирајте или присилувајте да прифати повеќе од што сака. Препознајте ги реагирајте на неговите знаци на глад и ситост, доколку е потребно одложете го воведувањето цврста храна за неколку дена и обидете се повторно. Меѓутоа, ако продолжи да одбива храна, консултирајте се со педијатар.
Два оброци на ден
Секое бебе е различно, но генерално, ако јаде по половина чинија одеднаш, можете да преминете на два оброка дневно. Ова може да потрае една или три недела во зависност од вашето бебе. Најидеално е да се воведе околу осмиот месец на бебето и да биде солена каша со зеленчук и месо.
Три оброци дневно
Многу брзо, околу деветтиот месец, може да се воведе и третиот оброк, кој не треба да се дава доцна навечер, најдоцна помеѓу 17-19 часот, во зависност од тоа кога бебето си егнува да спие. Важно е оброкот да се дава два часа пред капење и млекото пред спиење. За вечера на бебето најдобро е да комбинирате храна која не надувува и не е тешка за стомакот, идеални се житариците со зеленчук или во комбинација со јаболко или банана.
