Кога ќе се роди вашето бебе, неговите мускули на вратот ќе бидат многу слаби, но наскоро ќе има доволно сила за само да ја подигне главата. Во почетокот, вратот на вашето бебе е премногу слаб за да ја држи главата. Но, како што расте бебето, така мускулите на вратот стануваат посилни.
Веќе по два месеца можете да забележите како бебето, лежејќи на стомак, полека се обидува да ја крене главата, макар и само на неколку секунди. Бебето тогаш може да ја крене главата за приближно 45 степени.
До третиот месец, бебето може да ја подигне главата за 90 степени и полека да се крева на раце. Но, без оглед на овој напредок, сепак ќе треба и понатаму да ја држите главата на бебето кога го храните или си играте со него.
Ако вашето бебе не ја сака положбата на стомак, не попуштајте, мора да се навикне. На пример, легнете со вашето бебе и направете го заедничкото искуство позабавно. Околу вас, од сите страни, ставете шарени играчки или употребете шарена подлога и раскажувајте што гледате. Погрижете се секогаш да го надгледувате детето додека лежи на стомачето
Во почетокот, вратот на вашето бебе е премногу слаб за да ја држи главата. Но, како што расте бебето, така мускулите на вратот стануваат посилни
На околу четири месеци старост повеќето бебиња нема да имаат потреба од поддршка, до пет или шест месеци вашето бебе ќе има целосна контрола врз главата. Во овој момент, бебето ќе ја држи главата правилно, дури и ќе седи исправено.
Иако мускулите на вратот на вашето бебе се градат постепено, постојат чекори што можете да ги преземете за да го забрзате овој процес. Поставувањето на вашето бебе на стомак ќе му помогне побрзо да ги изгради мускулите на вратот.
Американската академија за педијатрија (ААП) препорачува да го ставате вашето бебе на стомак по неколку минути два до три пати на ден. Постепено зголемувајте го времето кое вашето дете го поминува на стомак се додека не достигнете вкупно 20 минути по сесија.
Ако вашето бебе не ја сака положбата на стомак, не попуштајте, мора да се навикне. На пример, легнете со вашето бебе и направете го заедничкото искуство позабавно. Околу вас, од сите страни, ставете шарени играчки или употребете шарена подлога и раскажувајте што гледате. Погрижете се секогаш да го надгледувате детето додека лежи на стомачето.
