Во последните години Светската здравствена организација препорачува втора бременост дури две години по првата, без разлика дали првото дете е родено со царски рез или по природен пат, што значи дека интервалот помеѓу две раѓања треба да биде две години и девет месеци. Од друга страна, американското Министерство за здравство препорачува да се почека три години.
Меѓутоа, бројни медицински истражувања покажале дека е важно да се причека најмалку 18 месеци по раѓањето на детето со царски рез.
„Општо правило е дека треба да почекате помеѓу 18 и 23, а истиот период се препорачува како пожелен за жените кои своето прво дете го родиле вагинално“, објаснува гинекологот Брус Флам.
Иако ова изгледа како долг временски период, изненадувачки, колку подолго е потребно за заздравување на лузната, толку подобро, велат експертите. Особено ако второто породување ќе биде вагинално, експертите потсетуваат дека телото на мајката поминало низ силна траума – прво поминало низ бременост, а потоа и низ породување, а тоа извршено со операција. Поради сето ова, неопходно е жената да се опорави на вистински начин и да ги надомести хранливите материи кои нејзиното тело ги изгубило давајќи му ги на бебето.
„На пример, може да бидете анемични затоа што целото ваше железо е дадено на бебето и плацентата за време на бременоста“, напоменува д-р Флам.
Многу мајки се загрижени дека нивната лузна од царски рез може повторно да се отвори за време на природно породување. Сепак, ризикот од ова е многу мал, но постои ако интервалот помеѓу две бремености бил пократок. Исто така, бременоста што следи веднаш по породувањето со царски рез го зголемува ризикот од проблеми со плацентата.
