Да се видат насмеани и среќни лица на децата при отворање на подароците е еден од најубавите моменти во празничните денови што доаѓаат. Но, псохолог открива кога е најдобро децата да ја дознаат “вистината“ за Дедо Мраз. Значи, без оглед дали пред најлудата ноќ со децата на маса грижливо оставате бискивити и шолја млеко за Дедо Мраз или пак не одите толку далеку, психолог советува тоа на малите деца кои веруваат во магијата на белиот дедо да не им го одземате прерано.
Таа илузија, смета детскиот психолог д-р Џастин Коулсон, подобро е да ја срушите – што подоцна. “Исто како и сите други ‘тајни’ работи, и Дедо Мраз често се споменува и меѓу возрасните“, вели д-р Коулсон и додава дека “ако и ние го подиспрашуваме неговото постоење, зошто и децата не би го правеле истото“.
КОГА ДА ЈА ОТКРИЕТЕ ВИСТИНАТА?
Многу родители се колебаат да им кажат на децата кој навистина им го носи подароците, но псигилогот има едноставен совет: “Ако се доволно стари и љубопитни да испитуваат, тогаш се и доволно возрасни да ја знаат вистината“.
“Оставете ги да веруваат додека не бидат доволно возрасни и љубопитни сами да се посомневаат, дури тогаш ќе бидат доволно ‘големи’ за вистината“, вели тој.
Понекогаш, вели психологот, добро е на децата да им напоменете критички да размислат за тоа во што се сомневаат. Прашајте ги дали мислат дека е можно некој целиот свет да го помине за една ноќ, со санка полна подароци што ја влечат елени? Порано или подоцна, детето и само ќе каже дека не верува дека постои Дедо Мраз.
А, кога ќе почнат таквите отворени изјави, прашања и сомнежи, најдобро е да бидете искрени, смета д-р Коулсон и напоменува дека тогаш треба да се предупредат децата да на оние деца кои се уште веруваат во Дедо Мраз, не им го уништат верувањето.
“Предупредете го детето дека некои други родители можеби се упте нема на нивните деца да им ја откријат таа ‘голема вистина’, па нека остане тајна што ја знаат само возрасните и само некои деца“, советува психологот.
