Утринските мачнини се еден од најчестите симптоми на бременост, но може да се разликуваат од жена до жена. Некои жени чувствуваат благи мачнини кои брзо поминуваат, додека има и такви на кои навистина им е многу лошо и кои трчаат во тоалет неколку пати дневно.
Секоја бремена жена се запрашува – кога тие почнуваат, а кога престануваат?
- КОГА ПОЧНУВААТ УТРИНСКИТЕ МАЧНИНИ?
Иако тоа не може со точност да се каже, најчесто, мачнините почнуваат во првото тромесечје, некаде помеѓу шестата и осмата недела. Ретко кога ќе слушнете дека некому мачнините му почнале пред шестата недела или пак по четиринаесеттата.
Може да се случи да подоцна во бременоста бебето создава притисок на желудникот, па тоа да ви создава мачнини.
КОГА ПРЕСТАНУВААТ УТРИНСКИТЕ МАЧНИНИ?
Повеќето трудници почнуваат да се чувствуваат подобро по 16. недела. Постои и одреден број на жени кои имаат мачнини и кои повраќаат многу подолго. Доколку забележите дека мачнините не престануваат, поразговарајте со лекар. Постојат лекови и начини кои ќе ви помогнат да се чувствувате подобро
