Многу исцрпени мајки се сомневаат дека нивните партнери се преправаат дека спијат додека бебето плаче среде ноќ. Сепак, истражувањата покажуваат дека мажите навистина спијат цврсто.
Мажите не ги слушаат звуците што ги создаваат бебињата, но затоа ги слушаат звуците на автомобили, ветер и досадни муви. Истражувачите ја мереле активноста на потсвеста за време на спиењето кај мажите и жените и откриле дека постои значителна разлика помеѓу половите.
Истражувањата покажуваат дека мажите навистина спијат цврсто
Жените имаат развиен мајчински инстинкт што ги тера да реагираат силно на детскиот плач, дури и ако тие самите не се мајки. Исто така, откриено е дека по прекинување на сонот на жените им е потешко повторно да заспијат за разлика од мажите.
„Ништо не ги прави луѓето толку депресивни како прекинатиот сон, особено кога тоа се случува неколку ноќи по ред. Затоа жените кои имаат мали бебиња можат да бидат во навистина лоша состојба, што не може да се каже за нивните мажи“, објаснува психологот Дејвид Луис.
