Во првите месеци, поголемиот број на бебиња подригнуваат после секој оброк. Но доколку, подригнувањето постане интензивно и зачестено, можно е бебто да има гастроезофагеален рефлукс (ГЕР). Најчесто овој рефлукс се јавува кај поголем процент на бебиња во првите неколку месеци по нивното раѓање, и веќе се наоѓа во развојна фаза.
Положбата на желудникот кај новороденчето е таква што всушност го олеснува враќањето на храната, и контролата на преградата помеѓу хранопрповодот и желудникот не е доволно развиена. Доколку бебето изеде повеќе од доволното, преку подригнувањето се ослободува од вишокот на храна. Преполниот желудник го попречува правилното работење на срцето и дишењето. Ако бебето повремено подргинува или поврати после оброкот, тоа не треба воопшто да ве загрижува. Но, доколку ова е почеста појава и се јавува во исто време, треба веднаш да посетите лекар.
Родителите треба да знаат да разликуваат кога бебето подригнува (течење на хранат по образот) и кога повраќа (кога бебето исфрла содржина од желудникот).
Треба да внимавате и да забележувате дали повраќањето и подригнувањето се јавуваат истовремено, доколку бебето не напредува добро, или пак ако содржината која ќе ја поврати има крв. При тешки ситуации, храната која бебето ја повратило може да се симне низ дишните патишта или да се слие кон увото, при тоа доаѓа до воспаление на увото или белите дробови. За среќа, кај две третини од случаевите со ГЕР се губи после 6. месец кај бебето, бидејќи преградата помеѓу хранопроводот и желудникот созрева.
Кај некои деца овој проблем останува и на поголема возраст, а кај 20% од возрасните контролата на преградата помеѓу желудникот и хранопорводот е се уште слаба. Кај одредени случаеви, преградата е толку многу слаба, при што неопходна е хируршка интервенција и постои голема опасност по здравјето.
Доколку рефлуксот продолжи и во подоцнежните години, покрај тоа што треба постојано да се држите до советите за правилен начин на исхрана, воедно потребна е и терапија. Со неутрализација на желудочната киселина која се постигнува со употреба на лекови, долниот дел од желудникот се штити од нагризување.
Правилно хранење
- Ако кај детето се утврди слабост на преградата помеѓу желудникот и хранопроводот, треба да ги храните на начин на кој подригнувањето и повраќањето би се свело на минимум.
- Пред хранењето, детето треба да биде будно најмалку 5 до 10 минути.
- Бебињата кои се хранат полузаспани, или во лежечка положба, треба обавезно да ги држите исправени после секој оброк, за да можат полесно да подригнат.
- При хранењето, секогаш држете го бебето под агол од 45 степени.
- Откако бебето ќе подригне, треба да се спушти да полежи на левата или десната страна, никако на стомак (го поттикнува подригнувањето), или на грб (ако поврати, може да вдише од исфрлената храна, што може да има озбилни здравствени последици).
- По оброкот држете го детето на своите гради, во исправена положба и свртено со стомакот кон вас, најмалку пола саат. На тој начин се згрутчува млекото и шансите да поврати се минимални.
