Според мислењето на психологот Ема Џенер постојат неколку сериозни роблеми во начинот на воспитувањето на децата, кои и тоа како се загрижувачки.
Страв од сопственото дете
Децата денес имаат премногу контрола. Родителите често одат по линија на помал отпор, што е огромна грешка. Ако детето нешто побара, желбите веднаш се исполнуваат, за да не дојде до детска хистерија и бесни испади. Од што се плашат родителите?
Минимум очекувања
Често родителите само ќе спуштат рамената, во случај на невоспитано детско однесување и тоа не само во четири ѕида, туку и на јавни места со оправдување дека детето е такво. Но, децата не се такви и не мора да бидат такви. На детето мора да му се обрне внимание на однесувањето. Родителите се тие кои треба да го научат и воспитаат детето. Подигнете ги стандардите, бидете истрајни и тие ќе се прилагодат.
Без совети, молам!
Некогаш мислењето на останатите од опкружувањето биле важни. Наставник, сосед, продавач… биле тука да ги предупредат родителите на однесувањето на детето и децата тоа го знаеле. Но, денес ситуацијата е поинаква. Имено, родителите се тие кои не прифаќаат туѓи совети, ниту мислења. Ако некој и се дрзне да го опомене детето, родителите бурно реагираат.
Потребите на детето на прво место
Секако дека децата треба да бидат приоритет на своите родители, но денес тоа оди предалеку. Според мислењето на стручњаците, родителите често ги занемаруваат своите потреби и менталното здравје, поради своите деца. Не треба да се забегува во екстреми, понекогаш е потребно да се каже “не“.
