Пубертетските акни се појава која ги мачи околу 85% од децата во тинејџерската возраст. Постојат многу заблуди околу негата и третманот на овој тип на акни, а еве кои се најчестите.
- Акните настануваат како резултат на консумирање мрсна храна
Поврзаноста на акните и храната не е целосно потврдена. Доколку мозолчињата се појавуваат како резултат на храната, во тој случај потребна е контрола и следење на состојбата со акните на пациентот. Здравата храна ја препорачуваме за здравјето на целото тело.
- Акните се заразна инфекција
Акните не се заразна и инфективна болест. Тие играат улога во формирањето на бактерии кои веќе претходно биле присутни на кожата.
- Акните се појавуваат поради нечистотија
Акните не се поврзани со нечистотијата. Ако размислуваме така, тоа би значело дека со чистење на кожата нема да се предизвикаат никакви иритации.
- Акните се појавуваат како резултат на заболувања на црниот дроб
Акните не се поврзани со заболувањата на црниот дроб. По извршениот преглед, одлуката за дополнителни испитувања (хормонски) ја дава вашиот дерматолог. Појавата на акните не мора секогаш да биде проследена со дополнителни анализи.
- Акните се козметички проблем, со текот на времето сами ќе се излекуваат
Ослободувањето од појава на акните и лузните само по себе е долгорочен и тежок процес, затоа акните не можат да бидат само козметички проблем. Исто така, може негативно да влијае врз психичката состојба и самодовербата. Денешната современа дерматологија нуди ефективни и прецизни методи кои го скратуваат времетраењето на третманот и даваат одлични резултати.
